سفارة تونس بالصين تستهتر باستغاثة أبنائنا

نشرت امرأة تونسية تدعى سحر الظاهري قادمة من الصين تدوينة عن حادثة استهتار من المسؤولين وخصوصا من السفارة التونسية بالصين حيث أكدت أن هناك عدد من التونسيين ومن الصينيين الذين أتو من الصين الي تونس ام يتم فحصهم طبيا مشيرة إلى وجود عدد من التونسيين محتجزين بمدينة ووهان منبع المرض من ضمنهم أخيها سيف الظاهري دون أكل ولا شرب.

وأشارت الظاهري أن الدولة وعدت بتوفير حافلة لل 15 تونسي المحتجزون بالمنطقة إلى منطقة شانغهاي وتمريرهم على الفحص الطبي ثم يتم ارسالهم إلى تونس لكن لم تف الدولة بما وعدت.

كما أضافت أن التونسيون المحتجزون بالمنطقة قاموا بالاتصال بالسفارة التونسية بالصين وطلب طائرة لنقلهم فرفضت السفارة طلبهم بتعلة أن العدد غير كاف لتوفير طائرة.

و فيما يلي التدوينة:

“عسلامة لعباد كل ليوم نحب نحكي على تجربتي و اللي صارلي كمواطنة تونسية مروحة من الصين . ناس كل توا نعرفو اللي المرض هذا قاعد ينتشر فالعالم في يقتل في عباد . الحمد لله انا و عايلتي نجمنا نخرجو اما في المطار مكان فما حتى فحص طبي للعباد اللي جات من الصين و حتى كيف قلنالهم اللي جينا من الصين و جاو معانا صينين مش لابسين حتا ماسك طفاونا معناها يا اما مش هامهم و الا مش فاهميت خطورة الوضعية.و الحاجة الاخيب من هكا هيا التوانسة اللي مازالو في الصين منهم خويا سيف القاطن في مدينة ووهان منبع المرض. هوا توا محبوس خاطر المدينة كلها مسكرة مفماش كيفاش يتحرك ولا حتى منين يشري ماكلة او ماء . نحبكم تتصورو رواحكم ولا واحد تحبوه عايش في الظروف هذي محبوس في غرفة في مدينة قاحلة مسكرة فيها وباء قاعد يجتاح في العالم و بلادو وعدتو باش تجيبلو هو و 15تونسي اخرين كار تخرجهم تهزهم لمدينة شانغهاي للفحص الطبي ثم يروحو لتونس لكن للاسف لتوا هل الكلام مصار منو حتى شي. و توانسا هاذم قاعدين حتى ماكلة ماعندهمش و المرض و الموت داير بيهم من الشواير الكل. و زادا كلمو السفارة باش توفرلهم طيارة خاصة تروح بيهم تجاوبهم السفارة اللي عددهم مش كافي باش تجيبلهم طيارة. معناها كان مش برشا ميستهلوش ننقظوهم !

انا نتمنى اللي توانسة الكل يتصرفو و نتحركو على اخواتنا هاذم خاطر اي واحد فينا كان انجم توا يكون في بلاصتهم و ان شاء الله الدولة تسمعنا و تتحرك خاطر كل دقيقة بحسابها …”.